Во април ќе се одржат три конференции кои ги организира Google, се со цел да ги доближи модуларните телефони до програмерите.
Ова е првпат да чуеме нешто околу Ara проектот откако сите веќе знаеме дека Google ја продаде Motorola за 2,91 милијарди долари на Lenovo.
Првата конференција ќе биде стримувана во живо со интерактивни прашања и одговори, а ограничен број на луѓе ќе може да присуствуваат на лице место во салата на Computer History Museum во Маунтин Вју, Калифорнија.
Фокусот на конференцијата ќе биде најмногу околу alpha изданието на Ara Module Developer’s Kit-от, се со цел да ги запознае своите програмери и истражувачи со потребните информации за креирање на еден Ara модул.
Нормално, Google ќе ги претстави и планираните функции кај новите „блок-телефони“, и ќе ги откријат наградните предизвици за развивачите.
