Internet.org е непрофитна организација формирана како партнерство помеѓу Facebook и шест производители на мобилни уреди, односно Samsung, Ericsson, MediaTek, Nokia, Opera Software, и Qualcomm. Целта на оваа организација е проширување на достапноста на интернет пристапот преку негово овозможување во деловите од светот каде што тој не е достапен, без разлика од причината за тоа.
Оваа недела Facebook ја претстави Internet.org апликацијата за Android, преку која што корисниците ќе можат да пристапат до неколку сервиси бесплатно. Ова значи дека преку оваа апликација, веб страна на Internet.org или посебен дел во Facebook апликацијата, корисниците нема да плаќаат за направениот мобилен сообраќај. Сервисите кои што се достапни преку апликацијата се: AccuWeather, Airtel, eZeLibrary, Facebook, Facts for Life, Google Search, Go Zambia Jobs, Kokoliko, MAMA (Mobile Alliance for Maternal Action), Messenger, Wikipedia, WRAPP (Women’s Rights App), Zambia uReport.
Во оваа фаза апликацијата ќе биде достапна за корисниците на Airtel операторот во Замбија, меѓутоа со тек на време достапноста ќе биде проширена и кај други оператори, како и во други земји.
Според статистиките со кои што располага Facebook, 85% од светот има покриеност со итнернет сигнал, меѓутоа само 30% од населението користат интернет. Ова се должи од една страна на високата цена на интернет пристапот за одредени луѓе, а и незапознаеност со концептот на интернет кај други.
