Веќе знаете дека Фејсбук западна во длабоките неволји како резултат на случајот Кембриџ Аналитика, при што повеќе од 80 милиони корисници осознаа дека нивните податоци биле злоупотребени.
Како последица, основачот и главен и извршен директор на Фејсбук, Марк Закерберг, претходната недела се најде пред Конгресот на САД, каде што беше „грилан“ од повеќе конгресмени и сенатори.
Како главни лекции кои што може да ги извлечеме од ова, таканаречено „сослушување“, се следниве.
Сенаторите или не си ја завршиле домашната, или се во „џебот“ на Фејсбук
Очекувано е после скандал од такви размери, Фејсбук, и Закерберг на сослушувањето да бидат темелно испрашувани од страна на Конгресот. Меѓутоа, сенаторите присутни на сослушувањето се однесуваа како паднати од Марс.
Така, во еден момент, Сенаторот Хач (Hatch) го постави следното прашање:
„Како ќе одржите бизнис модел во кој корисниците нема да плаќаат за вашите услуги?“
Во нормални околности, прашањето може да помине. Но, прашањето е поставено како да доаѓа од седум-годишник, а не од искусен претставник на Конгрес кој би требало да знае за што зборува пред да ја отвори устата.
Закерберг беше еднакво вџашен од ова прашање, и го изусти она што сите го имаа во своите умови.
Sen. Hatch: “If [a version of Facebook will always be free], how do you sustain a business model in which users don’t pay for your service?”
Mark Zuckerberg: “Senator, we run ads.” https://t.co/CbFO899XlU pic.twitter.com/bGKWks7zIk— CBS News (@CBSNews) April 10, 2018
„Сенаторе, објавуваме реклами.“
Во друг момент, еден од сенаторите го праша Закерберг што е Фејсмеш (апликација која Закерберг ја направил во 2003, која ги споредувала лицата на девојките за да одреди која од нив е поубава).
.@USRepLong: “What was FaceMash and is it still up and running?”
Mark Zuckerberg: “No Congressman, FaceMash was a prank website that I launched in college, in my dorm room, before I started Facebook.” pic.twitter.com/W1KK99ljrF
— Dan Linden (@DanLinden) April 11, 2018
Ова се работи кои звучат смешно кога доаѓаат од устата на искусни политичари кои би требало да прочитаат страна-две (или некој да прочита за нив) за историјатот на Фејсбук и сите работи кои довеле до случајот Кембриџ Аналитика.
Меѓутоа, ако земеме предвид дека добар дел од членовите на Конгресот имаат удел во акциите на Фејсбук, тогаш работите стануваат малку појасни.
Закерберг роботот
Веќе подолго време интернетот ни дарува шеги и мемиња на сметка на Закерберг. Многумина ја тераат шегата дека тој е робот. А, неговото сведочење пред Конгресот само ја распали страста кај истите тие што ја шират таа шега.
Senator: “You insist that you’re human.. could I ask you to walk over here and demonstrate that for me?”
Mark #Zuckerberg: pic.twitter.com/l0GC4sCgCm
— Mark Zuckerberg Memes (@ZuckerbergMemes) April 10, 2018
“don’t forget to drink the water, humans like water” pic.twitter.com/RyhWE74Sl4
— RUIN™?? (@BravingRuin) April 10, 2018
Сагата продолжува…