Се надевам дека претходниот текст ве натера да размислите за начинот на кој спиете.

Ако сакате да дознаете повеќе за различните начини на кои можете полесно да влезете во длабок сон и да се чувствувате свежи наредниот ден, читајте понатаму.

#1 Легнувај си (и станувај) во исто време

Кога нашиот распоред на легнување и станување од кревет е хаотичен, ги нарушуваме нашиот циркадиски ритам и процесот на лачење на мелатонин во крвта.

Тоа спречува да влеземе во длабок сон (и да уживаме во сите РЕМ фази), а и потешко ќе заспиваме како последица.

Овој совет не би требало да претставува проблем да се следи преку работната недела, кога повеќе или помалку имаме навика на легнување во истото време. Но, важно е да ја следиме оваа шема и преку викенд, кога е далеку потешко да легнеме или станеме во исто време. Особено ако сме заглавиле претходната вечер.

Тука станува збор за приоритизирање: редовен и квалитетен сон или забава до наутро.

#2 Не зјапај во екран најмалку еден час пред спиење

Повеќето од нас се префрлаат од својот смартфон директно на кревет (или пак заспиваат со телефонот во рака).

Светлината која што ја зрачат електронските уреди е погубна за нашиот сон. Можеби лесно ќе заспиеш откако ќе завршиш со скролање на Инстаграм или Фејсбук, но квалитетот на тоа спиење ќе биде прилично лош.

Светлината го поттиснува мелатонинот и го мами нашиот организам да мисли дека надвор е ден.

Ако веќе морате да гледате во екранот, инсталирајте ја f.lux на вашиот лаптоп и смартфон. Кога ќе зајде сонцето, апликацијата автоматски ќе ја прилагоди светлината на екранот на просторијата во која се наоѓате.

#3 Изложи се на дневна светлина

Кога го изложуваме телото на природна светлина, го „штимаме“ циркадискиот ритам да препознава кога е време за активност, а кога е време за спиење.

Ако го правиме ова редовно, преку целиот ден ќе имаме потребна енергија за работа, концентрација, физичка вежба и др. активности. Навечер, ќе заспиваме полесно, поради тоа што телото ќе ги добие потребните сигнали дека треба да почне засилено да лачи мелатонин.

Кога сме кај физичка активност, секојдневното вежбање исто така ќе има полезен ефект врз нашето спиење. Но, избегнувајте да вежбате непосредно пред спиење. Ќе го има спротивниот ефект.

#4 Не претерувај со дремките

Кратка едно часовна дремка после работа и you’re good to go, така? Не баш. Иако power naps кои се пократки од 30 минути може да бидат корисни, ако дремеме секој ден повеќе од 1 час, ќе заспиваме потешко навечер.

Спиејќи повеќе од 45-50 минути преку ден или попладне, навлегуваме во длабок сон и телото се прашува „зошто по ѓаволите спијам во ова време?“.

Некои луѓе функционираат добро и вака. Браво за нив. Овој совет повеќе се однесува на оние што имаат долги дремки а заспиваат потешко навечер.

Покрај ова, треба да избегнуваме да пиеме кафе најмалку 7-8 часа пред да си легнеме.

И, да не читаме, пишуваме, и правиме други интелектуални активности во кревет. Нашето тело ќе почне да ги асоцира со времето на заспивање. Креветот е за секс и за спиење. Ништо повеќе.

Оставете коментар

This site uses Akismet to reduce spam. Learn how your comment data is processed.