Windows101

Доколку сакате да искусите како изгледал и функционирал Windows  пред 28 години, да цртате во првата верзија на MS Paint и да пишувате белешки во оригиналниот Notepad, благодарение на JavaScript, тоа сега може да го направите преку вашиот интернет прелистувач на следниот линк.

Интернет верзијата на Windows 1.01 работи преку PCjs емулаторот напишан во JavaScript и симулира IBM PC XT (Model 5160) компјутер со Intel 8088 процесор на 4,77 мегахерци, 256 килобајти RAM меморија и CGA графичка карта. Емулаторот функционира во сите најчесто употребувани интернет прелистувачи, вклучително Safari на iOS и Chrome на Android уреди.

Откако ќе завршите со Windows 1.01, може да пробате некои од првите DOS игри како Zork 1 и DONKEY.BAS.

Доколку сметате дека Windows 1.01 е премногу ретро за вас достапна е и поновата Windows 3 верзија, како и Mac OS System 7 оперативниот систем.

Претходна статијаNvidia ја најави GTX 780 Ti, ги намали цените на постојните модели
Следна статијаДостапен Update 3 за HTC 8X