Иако Facebook никако да ги мотивира корисниците да ги користат Stories на нивната мобилна апликација, овие „приказни“ се можеби најпопуларното нешто на Instagram од претставувањето на самата друштвена мрежа.

Како и не би биле. Корисниците добија можноста да објавуваат слики или видеа, со можности истите да ги „нашминкаат“ со додатни ефекти, а истите исчезнуваат после 24 часа, што некако додава на тоа колку се интересни.

Камерата како главен софтверски дел во Stories веќе има неколку режими, меѓу кои Boomerang е прилично интересен. Со овој режим на снимање корисниците добиваат можност да краткото видео се повторува, добивајќи еден вид на gif ефект.

Најновиот додаток на Instagram камерата е наречен Superzoom и може да се каже дека е уште поинтересен и од Boomerang.

Она што го прави Superzoom, а може и од самото име до некаде да се претпостави, е снимање на кратко видео како во случајот на Boomerang, меѓутоа во овој случат видеото прави брзо зумирање на објектот којшто е во преден план. За работите да биде уште поинтересни, Instagram автоматски додава „драматичен“ звучен ефект на видеото.

Како и обично, достапноста на новите работи во апликациите не се случува веднаш, па сигурно ќе треба да почекаме некој ден за надградбата на апликацијата да дојде до нашите уреди и да почнеме да објавуваме „драматични“ Instagram Stories.

Извор: Instagram, The Verge

Претходна статијаПрви информации за Galaxy S9 – што ќе ни донесе новиот знаменосец на Samsung?
Следна статијаSamsung патентира нов смартфон со свитлив дисплеј
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.