Можеби сумата делува дури и смешна, меѓутоа ако се земе како пример „судбината“ на LinkedIn, ова може да е само почетокот кој може да заврши со целосно блокирање на Facebook во Русија.

Казната во висина од 50 американски долари или околу 3.000 рубли, е изречена од страна на суд во Москва по жалба поднесена од Roskomnadzor, државна агенција за надзор на комуникациите, ИТ и медиумите.

Законот врз основа на кој е изречена казната бара да сите компании кои работат и чуваат приватни податоци од своите руски корисници, овие податоци да ги чуваат на руски сервери.

Во судот од Facebook немале претставник, а иста казна имаат добиено и Twitter минатата недела. Сумата која е изречена е минимумот, но сепак парите не се проблемот во овој случај.

Она што е можно да се случи доколку компаниите не почнат да го почитуваат рускиот закон за приватност, е блокирање на нивните сервиси целосно на територијата на Русија.

Вакво нешто е можно да се случи, а не е сигурно колку корисниците би биле погодени од таква одлука. Во Русија скоро сите западни и популарни сервиси имаат руска „верзија“, односно конкуренција, па веруваме дека во оваа земја повеќе се користи VKontakte, а не Facebook.

Дали овие компании се загрижени од можноста да бидат блокирани во Русија останува да видиме и дали воопшто планираат да ги направат потребните промени за почитување на законот.

Она што е специфично е што Facebook, колку што знаеме, немаат компанија во Русија, па не е така едноставно да се заклучи дали тие имаат обврска да го почитуваат законот, односно дали планираат.

Оставете коментар

This site uses Akismet to reduce spam. Learn how your comment data is processed.