Grand2_6

Samsung денес го претстави Grand 2, најновиот паметен телефон во својата популарна Galaxy линија на паметни уреди. Со своите робусни димензии и кожна облога на задниот дел, телефонот многу потсеќа на Galaxy Note 3 кој излезе во септември, годинава.

Galaxy Grand 2 доаѓа со 5.25 инчен TFT екран и димензии од 146.8 x 75.3 x 8.9 милиметри, а тежи 163 грама. Екранот е со 16:9 резолуција од 1280×720 пиксели и густина од околу 280 пиксели по инч. Според Samsung , Galaxy Grand 2 е идеален за гледање филмови, играње игри и читање на електронски книги. Уредот, исто така, ја вклучува “Multi Window” функцијата која треба да ги максимизира предностите кои ги нуди просторниот екран, така што ќе им овозможи на корисниците да користат една апликација во два прозора истовремено.

Телефонот ќе користи четири-јадрен процесор со работна фреквенција од 1.2 гигахерци, придружен од 1.5 гигабајти RAM и 8 гигабајти флеш меморија со можност за надградба до 64 гигабајти преку microSD картичка. Батеријата ќе биде со капацитет од 2.600 мили-ампер часови, што ќе овозможи до 17 часа континуирани разговори со едно полнење.

Од останатите спецификации уредот ќе вклучува 8 мега-пикселна камера со резолуција од 3264×2448 пиксели, можност за користење на  две SIM картички одеднаш, сензор за близина, акцелерометар, компас, Wi-Fi , Bluetooth 4.0, GPS и USB 2.0.

Уредот доаѓа опремен со неколку карактеристични функции и апликации кои се специфични за Galaxy линијата на паметни уреди како Best Face, Best Photo, Continuous Shot, Story Album, S Translator, S Travel, Sound & Shot, Samsung Hub, Group Play, Samsung Link и други.

Samsung Galaxy Grand 2 ќе биде достапен во бела, црна и розова боја и ќе работи на Android 4.3 (Jelly Bean). Цената и точниот датум кога телефонот ќе се појави во продажба сеуште не се познати.

 

Претходна статијаHynix започна со масовно производство на 16nm NAND
Следна статијаПребарување со „OK Google“ преку Chrome