Една работа која стана масовно достапна и користена од корисниците преку мобилните телефони е камерата. Секој во денешно време е „фотограф“ или „режисер“, па не е ни чудо што камерата е една од главните карактеристики кои се зимаат во предвид при купување на еден телефон.
Како што би се очекувало, најскапите модели ги имаат и најдобрите камери, со сите можни функционалности кои можете да ги замислите. Оптичката стабилизација на сликата е можеби една од најважните со оглед на фактот што снимањето од мобилните се прави без дополнителна опрема, односно целосно аматерски.
Оптичката стабилизација на сликата овозможува да се добие видео кое ќе може без проблем да се гледа, без разлика од условите во кое е снимано, односно во овој случај во движење.
Еван Роџерс од Engadget реши да направи тест на камерите кај моментално едни од најдобрите смартфони достапни на пазарот и да види кој од нив има најдобра стабилизација на сликата.
Иако еден ваков тест не може да се смета за 100% меродавен, сепак, ќе го пренесеме неговиот заклучок. Најдобар смартфон кога е во прашање снимањето во ситуации кога има доста вибрации и движење е Galaxy Note 8 на Samsung.
Споредбата во тестот е направена помеѓу Note 8, Pixel 2, iPhone X и Mate 10 Pro. Во продолжение е краткото видео, па и самите можете да ја видите очигледната разлика.
so one thing I couldn’t make space for in my camera piece is this little comparison here. The note 8 eats some kinds of vibrations for lunch pic.twitter.com/dhPt22aiOq
— evan rodgers (@evanrodgers) December 21, 2017
Извор: 9to5Google, Android Police