ef5df7b51e9e97bf313263b73b823700_large

238862fe8fb808fccc4c56c9d1336068_large

Homey е уште еден од се поголемиот број на интересни уреди кои се претставуваат и собираат средства преку Kickstarter. Направен во интересна тркалезна форма, Homey се поврзува со вашите домашни уреди, како телевизор, шпорет, фрижидер, музички систем и повеќе, па преку гласовни команди и соодветна мобилна апликација можете сите нив да ги контролирате од едно централно место.

Се разбира за одредени уреди потребно е и тие да се во категоријата на паметни, како на пример, шпоретот, фрижидерот, електрични ролетни на прозорите и слични уреди, но одредени уреди може да бидат контролирани иако не се во таа категорија, како телевизорите, музичките системи и слично. За да се поврзе со сите овие уреди, како и со мобилната апликација, Homey се поврзува на интернет, има вграден infrared чип, како и повеќе безжични стандарди за поврзување со домашните уреди. Конкретно, Homey има поддршка за следните стандарди:

  • Wi-Fi 802.11b/g/n
  • Bluetooth 4.0
  • NFC
  • ZigBee
  • Z-Wave
  • 433.92 MHz
  • nrf24l01+
  • Infrared

e7bc18d88676f4959d8558bf1636944c_large

Работата со уредот е многу едноставна откако ќе ги поврзете саканите уреди. Се што треба е да му кажете на Homey што сакате да направите и тој истото ќе го направи. Homey може дури и да ги учи вашите постапки и навики, па така кога сакате да гледате некој филм, покрај тоа што можете да го кажете неговиот наслов и тој ќе биде пуштен на вашиот телевизор, исто така, Homey ќе ги намали светлата во просторијата и ќе ги спушти ролетните за да добиете целосно филмско искуство.

Homey исто така вклучува и одредени апликации, па така тој може да ви ја каже временската прогноза, да ви ги прочита вашите најнови email пораки, да се поврзе со вашиот календар и слично. Преку поврзувањето со мобилната апликација, Homey можете да го контролирате и кога не сте дома, па така можете да ја вклучите рерната да почне да се грее на пат накај дома кога планирате да зготвите нешто, како и многу други примери.

2b6c8792181afe7abc2ddbf171473ab0_large

Средствата на Kickstarter нема да биде проблем да бидат собрани, односно интересот за уредот е доволно голем, па веќе се собрани повеќе од 94.000 долари од потребните 100.000 во моментот на пишување на оваа статија и на останати уште 28 дена до крајот на рокот. Цената по која што може да се нарача Homey е околу 400 долари зависно од времето на нарачка и достапните уреди.

Извор: Engadget, Kickstarter

Претходна статијаСупер магнетно-левитациски возови кои би можеле да достигнат брзина од 2.900 km/h
Следна статијаЕмулирајте Android на вашиот десктоп компјутер со Аndy
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.