ASUS ZenBook 3_UX390_slim bezel display with wide viewing angle_575px copy

MacBook на Apple можеби беше првиот лаптоп кој се доближи до таблетите кога е дебелината во прашање, но Asus сето тоа го донесува на ново ниво – нивниот нов ултрабук е дебел само 11,9 милиметри, скоро како паметните телефони од пред неколку години, а доаѓа со процесори од Core “i” серијата.

Дебелината можеби не е на нивото на HP Spectre 13, кој е фантастични 10,4 милиметри дебел, но тоа не одзема од фактот дека ZenBook 3 е едно фантастично парче лаптоп, особено што е целосно изработен од алуминиум. Тежината на ZenBook 3 пак изнесува само 907 грама, што значи дека нема премногу да го чувствувате кога ќе го ставите во торбата.

ASUS ZenBook 3_UX390_ultra thin and light design with only 910g_575px copy

Големината на дисплејот на ZenBook 3 е 12,5 инчи, но од Asus ја истакнуваат многу малата рамка околу дисплејот, која го прави овој лаптоп уште помал од вообичаеното за моделите од оваа класа. Резолуцијата на дисплејот се чини е единствената послаба страна – 1920х1080 пиксели се бројки кои се карактеристични за претходната генерација на ултрабук лаптопи, но истиот е барем заштитен со Gorilla Glass 4.

ASUS ZenBook 3_UX390_Intel Core i7 processor and 1TB SSD_678x452 copy

Внатрешните компоненти се пак најмоќни што би можеле да се вградат во еден толку тенок лаптоп – може да се конфигурира модел со Core i7-6500U процесор од Skylake генерацијата, помогнат од огромни 16 GB рам меморија на 2.133 MHz и PCI-e SSD диск со капацитет од 1 TB. Дефинитивно, компоненти со кои апсолутно го брише подот со MacBook на Apple, кој има процесори од Core m серијата.

ASUS ZenBook 3_UX390_unibody design wity aerospace grade alloy_575px copy

И покрај тенкото куќиште, Asus ветува дека батеријата од 40 Wh ќе може да трае околу 9 часа користење, а вградено е и брзо полнење – 60% од батеријата може да се наполни за 49 минути преку единствениот USB Type-C приклучок – да, исто како и кај Apple MacBook.

ASUS ZenBook 3_UX390_royal blue_rose gold_quartz grey_575px copy

ZenBook 3 има и читач за отпечатоци на прстите, кој работи со Windows Hello, како и специјални Harman-Krardon звучници. Asus нагласува дека нивната тастатура има копчиња кои „патуваат“ 0,8 милиметри, за разлика од MacBook, чии копчиња имаат само 0,4 милиметри.

Лаптопот е достапен е во три бои: сива, сина и златно – розова, а ќе се испорачува со вграден Windows 10 оперативен систем. Цената почнува од 999 долари за модел со Core i5 процесор, 4 GB рам и 256 SSD диск, 1.499 долари за модел со 512 GB SSD диск, па се до 1.999 долари за моделот со Core i7 процесор, 16 GB рам и 1 TB SSD диск.

Извор: Engadget, The Verge, AnandTech

Претходна статијаКонечно откривме како се формираат црните дупки
Следна статијаARM ја претстави новата Artemis архитектура на мобилни чипови, која донесува значителни подобрувања