Од почетокот на овој месец, повеќе стотици корисници почнале со пријавување на хакирање на нивната Instagram сметка. Хакирање на сметките на друштвените мрежи, освен кога не се работи за милиони сметки, не е ништо чудно, нити ретко.
Она што го прави овој случај специфичен е начинот на којшто се хакираат овие сметки, односно тоа што го пријавуваат корисниците, а во сите случаеви е истата „приказна“.
Во главно, сите корисници имаат пријавено дека не можеле да се вклучат на својот профил, односно биле одјавени, а при обидот да се најават им било прикажано дека таква сметка не постои. Причината за тоа е што по хакирањето, се правело промена на корисничкото име, но и имејл адресата поврзана со сметката, како и телефонскиот број.
Имејл адресите на сите хакирани сметки биле променети со такви кои завршуваат на .ru доменот, променета била профилната слика, меѓутоа ништо друго не било избришано или дополнително објавено.
Посебно „загрижува“ информацијата дека хакирани биле и сметките на кои била вклучена дво-факторската автентикација, нешто што треба да ги направи сметките скоро невозможни за хакирање.