Кина воведе забрана за социјалните сајтови Facebook и Twitter во 2009 година. Покрај овие сајтови Кина во 2012 година воведе забрана и за познатиот портал за вести The New York Times поради објавени критики за поранешен Кинески премиер.
Најавена во Јули 2013 во областа на Шангај почна да функционира Слободна трговска зона направена од владата во Кина со цел привлекување на бизниси од странство. За да ја помогне оваа зона, како и странците што би требало да доаѓаат, владата на Кина реши само во таа област да ја тргне забраната за Facebook и Twitter, како и порталот за вести The New York Times. Со оваа одлука владата се надева дека ќе привлече повеќе странски бизниси, а со тоа да воведе значајни економски и финансиски реформи во земјата.
Единствен начин да се пристапи до овие сајтови на остатокот од граѓаните е преку користење на VPN сервиси, кои што веќе се користат во одредени хотели, бизнис центри и слично. Дали можеби политиката на цензура ќе доживее олабавување останува да видиме.
