Focus е новиот ефект кој што стана дел од Instagram, односно од камерата на оваа апликација.
Ефектот е наменет за сликањето на портрет слики и видеа, односно за сликањето кога одредено лице е во кадарот. Она што го прави овој ефект е заматување на позадината и ставање на фокусот на лицето, односно лицата.
Новиот ефект може да се најде до веќе достапните ефекти како “Bumerang” при активирањето на камерата во апликацијата. Штом ќе биде забележано лице во кадарот, ефектот ќе биде додаден и сликата или видеото може да бидат направени.
Focus за жал не е достапен за сите корисници, па ефектот може да го очекуваат корисниците на iPhone SE, 6S, 6S+, 7, 7+, 8, 8+ и X, како и корисниците на неколку избрани Android телефони.
Покрај Focus, Instagram воведува и нов стикер за означување на пријателите во Stories, а оваа новина е достапна за корисниците на iOS.
