Рускиот производител на оружје Kalashnikov, најмногу познати по нивната AK-47 автоматска пушка, популарно наречена само Калашников, оваа недела претстави електричен автомобил кои тие најавуваат дека треба да им конкурира на автомобилите од Tesla.
Овој автомобил е наречен CV-1 и доаѓа со батерија со капацитет од 90 киловати на час, а со едно полнење овој автомобил моментално може да помине околу 350 километри. Забрзувањето од 0 до 100 километри на час CV-1 го прави за 6 секунди.
Она што го прави уште поинтересен овој автомобил е што тој е направен во ретро стил, односно нема футуристички или барем „нормален“ изглед, а стилот е инспириран од старите источни автомобили. Па така, CV-1 потсетува на Combi IZH-21252 од Moskvitch (иако не сме сигурни дали овој модел бил баш од оваа компанија), а некои го споредуваат и со стариот и до некаде „смешен“ Trabant.
Колку се сериозни од Kalashnikov во влегувањето на пазарот на електрични автомобили останува да видиме во иднина, а доколку се гледа од бизнис аспект, дефинитивно оваа е пазар којшто тек му доаѓа времето.