Microsoft, кои на чело со Сатја Надела изминатите години се многу поблиски со заедницата на отворен код, реши да го отвори кодот на Windows Calculator со надеж дека ќе добие нови и подобрени функции.
Иако апликацијата е полна со функции и прилично добра, сигурно со тек на време ќе биде придонесено од заедницата за нејзиното подобрување, но во меѓувреме отвореноста на кодот беше искористена за друга цел.
Поточно, програмерите од Uno Platform го имаат прилагодено кодот и сега апликацијата е достапна за корисниците на Android, iOS, а може да се пристапи и преку веб.
Апликацијата за жал сепак и треба малку подолго време да се отвори за разлика од апликација која е развиена специјално за овие платформи, но сепак говориме за секунда, не повеќе.
На страна оваа мала маана, апликацијата е истата која ја користите на Windows 10 и ги има истите функции и изглед, па на фановите на Microsoft и нивните платформи и производи, ова сигурно одлично ќе им се најде.