Една од најчестите ситуации кога се користи калкулаторот од Microsoft во Windows 10, односно било кој калкулатор што се однесува до оваа поента, е пресметката на работи кои ги гледаме од друга апликација.
Поради тоа, корисно е да калкулаторот остане во видното поле со цел да може да се гледаат бројките од другата апликација, а во исто време да се внесуваат во калкулаторот. Тоа секако е можно со намалување на прозорите од апликациите, но тоа не секогаш е практично, а посебно на помали екрани.
Како што истакнуваат од Microsoft, една од најмногу бараните функции во Windows Calculator е можноста да прозорот од оваа апликација се „закачи“ врз останатите со што тој секогаш ќе остане видлив, без разлика кој друг прозор се користи.
One of our top requested #WindowsCalculator features is the ability to keep Calculator on top of other windows as you work—you'll soon be able to do just that! ? Also, tiny calculator!! https://t.co/AEqu4nkhb4 #BuildTogether pic.twitter.com/TJpkXrRIL4
— Dave Grochocki (@dgrochocki) July 30, 2019
Со тоа корисниците ќе можат секогаш да го имаат калкулаторот „при рака“, без разлика колку други прозори имаат отворено.
Со цел да калкулаторот не пречи на останатите апликации, кога ќе се вклучи во ваков режим тој ќе се намали и ќе ги прикажува основните функции. Со притискање на копче тој се враќа во нормалната форма и може да се продолжи, доколку е потребно, со посложени калкулации.
Оваа промена е резултат на соработката која ја има сега Microsoft со програмерите од заедницата на отворен код, односно тие го отворија кодот на Calculator пред околу 4 месеци, со што овозможија секој да може да придонесе на неговиот развој.
