Има нешто посебно интересно да се користат чисто онака од забава, постари игри, софтвер, па и оперативни системи. Игрите и софтверот може да се инсталираат на разни начини, меѓутоа оперативните системи сепак бараат малку повеќе работа.
За да не биде таков случајот се погрижи Феликс Рајсберг од Slack, којшто користејќи ја Electron платформата, го направи целиот Windows 95 оперативен систем како една апликација која може да се инсталира на Windows, macOS и Linux.
Корисниците се што треба е да го симнат фајлот којшто е со големина од скоро 200 мегабајти и да го инсталираат како било која друга апликација на нивниот компјутер. По инсталацијата Windows 95 се стартува и може да се користи со повеќето програми во него како Notepad, Paint, Minesweeper, Solitaire и слични. Она што изгледа не е направено да функционира е стариот Internet Explorer.
Доколку сакате да го пробате Windows 95 на вашиот компјутер, тој како апликација е достапен на следниот линк.