Кога станува збор за слушање музика, Xbox Music е задолжен за да го пружи тоа искуство. Во последно време, сѐ повеќе Windows Phone корисници го напуштаат поради неколкуте проблеми околу дизајнот и стабилноста кои Microsoft треба да ги поправи, па затоа мораат да се одлучат за некоја друга алтернатива која ќе овозможи многу подобро искуство. Моментално на Windows Phone Store-от постојат неколку солидни аудио плеери, а еден од нив е Summer Music.
Summer Music е сосема нов и навистина одличен аудио плеер кој што може комотно да го замени комплексниот и непосакуваниот Xbox Music. Се карактеризира со брз и мазен интефејс кој е богат со анимации и кој може да се прилагодува според вашиот вкус. Ги поддржува скоро сите аудио формати и е многу лесен за користење.
Summer Music чини 1.49 долари, но достапна е и бесплатна (нелимитирана) trial верзија.
