Најди место е македонска апликација за Android наменета за откривање на места и локали за излегување. Во неа се вклучени повеќе од 500 локали низ државата како што се кафулиња, ресторани, гостилници, ноќни клубови и повеќе.
Во одлично организирана структура и кориснички интерфејс, Најди место ви дава повеќе информации за локалите како адресата, телефонскиот број, висината на цените, коментар за локалот, како и каде се наоѓа на мапа.
Локалите исто така може да бидат оценувани, со што при нивното разгледување може да се види дали одреден локал е оценет како добар и вреден за посета.
Најди место минатата недела ја доби и својата втора верзија којашто вклучува подобрувања на веќе одличната апликација. Новините во Најди место 2.0 се следните:
- Нов дизајн
- Ново лого
- Нова организација на погледите
- Побрз и поедноставен пристап до локалите
- Сортирање по близина (Со вклучен GPS).
Најди место можете да ја симнете преку Play Store или преку следниот линк.