Australis е проект на Mozilla кој е во тест фаза веќе одреден период. Истиот кога ќе биде официјално пуштен ќе донесе целосно нов дизајн на Firefox прелистувачот, како и одредени подобрувања во корисничкото искуство, ново главно мени и повеќе можности за прилагодување на изгледот.
До сега Australis можеше да биде тестиран преку посебната верзија направена специјално за овие потреби, но од денес ќе биде достапен преку Nightly верзијата на Firefox. Целта е што повеќе корисници да може да го тестираат новиот кориснички интерфејс, па доколку се помине како што треба, вклучувајќи го и фидбекот од корисниците, Australis да стане дел од главната стабилна верзија на Firefox во средината на Април 2014 во верзија 29 од прелистувачот кој што моментално е до 25.0.1 верзија.
За сите што би сакале да ја симнат Nightly верзијата со новиот дизајн, истото можете да го направите на следниот линк. Nightly верзиите се наменети за програмерите и луѓето што сепак доволно се разбираат и не се наменети за секојдневно користење од страна на обичните корисници.