По најавата дека Microsoft Edge ќе продлжи да биде развиван на основа на отворениот Chromium код, стана јасно, а и Microsoft најави, дека овој прелистувач ќе биде достапен на повеќе платформи.

Моментално Edge е достапен на Windows 10 и тоа поврзан директно со системот, како и на Android и iOS.

Новата верзија од Edge ќе биде издвоена од Windows 10 и ќе може да се ажурира независно од оперативниот систем, како и секоја друга апликација.

Прелистувачот веќе е најавено дека ќе биде достапен на macOS, а најверојатно ќе бидат достапни и верзии за постарите верзии од Windows.

Chromium како проект, а и Google Chrome, се достапни на Linux, па се поставува прашањето дали Microsoft планираат да го овозможат Edge на сите платформи каде што се достапни Chromium прелистувачите.

Фото: gHacks.net

Иако моментално нема официјална информација за ова, во прилагодувањата на новиот Edge може да се види „знак“ дека вакво нешто е возможно.

Поточно, како што откриваат од gHacks, во прилагодувањата кои се достапни преку „edge://flags“, покрај другите платформи, стои и Linux.

Microsoft последните години покажува дека веќе нема проблем со Linux, како и останатата заедница на отворен код. Донесувањето на Edge на Linux ќе значи поголема достапност на прелистувачот, а тоа е нешто што и е потребно на компанијата, а посебно кога ќе се земе ви предвид дека голем дел од програмерите користат некоја од Linux дистрибуциите.

ИЗВОРgHacks
Претходна статијаОд што се направени модерните смартфони ?
Следна статијаКако Елон Маск го користи Твитер?
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.