Минатата година Google забрани инсталирање на екстензии кои што не се поднесени во Chrome Web Store. Тоа го направи поради големиот број на малициозни екстензии кои корисниците ги инсталираат.
Од воведувањето на ова правило, од компанијата истакнуваат дека имаат намалување од 75% на барањата за помош на форумите за поддршка.
Ова правило не беше воведено за другите верзии од Chrome, односно развојните верзии наменети за програмерите. Сепак, од ова лето правилото ќе важи за сите верзии од прелистувачот, покрај за Windows и за Mac верзиите.
Причината за стегнување на правилото на сите верзии Google ја наведува во зачестените појави на инсталирање на развојна верзија од Chrome без знаење на обичниот корисник со цел да се инсталира малициозна екстензија.
Програмерите и понатаму ќе имаат начини како да ги тестираат своите екстензии, меѓутоа класичното инсталирање ќе мора да се врши преку продавницата.
Извор: Chromium Blog