Со денешната верзија сите корисници на овој популарен интернет прелистувач имаат поддршка за 64-битната верзија и предностите која што таа ги носи. Оваа верзија веќе одамна прво беше достапна за корисниците на Linux, по што од ова лето стана достапна и за Windows корисниците.
Mac верзијата беше најавена за нешто подоцна, а доби поддршка во бета верзијата од прелистувачот за заинтересираните корисниците да ја пробаат.
Со добивањето на 64-битната поддршка за Mac во финалната, стабилна верзија од Chrome, корисниците на оваа платформа веќе нема да имаат поддршка за 32-битната верзија. Ова веќе беше најавено, па би требало повеќето корисници да се веќе информирани, а посебно програмерите на апликации. Како и да е, корисниците ќе можат да продолжат да ја користат постарата верзија од прелистувачот.
Инаку, за потсетување, 64-битната верзија треба да ги вклучува следните подобрувања во однос на 32-битната:
- Побрза и постабилна работа на прелистувачот
- Подобра безбедност
- Подобрување на перформансите, посебно за страните со видео содржина и игри
- Поретки ситуации на паѓање на прелистувачот
Google Chrome 39 е достапен за надградба и симнување и истото можете да го направите преку прелистувачот или преку следниот линк.