Добро е да се види барем една од познатите апликации достапни на оваа платформа редовно да добива надградби. Од денеска достапна е Facebook Messenger 9.0 за корисниците на Windows Phone 8 и истата вклучува неколку новини кои што ја приближуваат до другите платформи. Од ова можете да заклучите дека сепак апликацијата не е целосно иста со таа на Android или iOS, меѓутоа е една од најдобро направените кога се работи за споредба.
Новата верзија од Messenger ги вклучува следните новини:
- Подобрувања кои што ја прават апликацијата побрза
- Можност за испраќање на пораки на луѓе кои што не ви се пријатели на Facebook
- Внесете го бројот на било кој контакт и почнете да испраќате пораки преку апликацијата
- Можност за цртање и додавање на текст на сликите од Camera Roll пред нивно праќање
Апликацијата е достапна во продавницата за апликации и истата можете да ја надградите или инсталирате преку следниот линк.