Shutterstock.com

Горната лента на Facebook мобилната апликација, односно долната на iOS, е составена од икони од посебните делови од мрежата, зависно од тоа кои најмногу ги користи корисникот. Истите и сега може да бидат тргнати, но тоа е се што може да се направи.

Од Facebook за подобро прилагодување на корисничкото искуство со нивната апликација, планираат да воведат повеќе опции за оваа лента. Со тоа корисниците ќе можат подобро да ја прилагодат својата апликација, зависно нивните потреби.

Со тоа од компанијата ќе ја воведат и можноста да се исклучат црвените точки кои означуваат дека има некакво известување, односно нешто ново во конкретниот дел од мрежата. Со исклучок на делот за известувања, кај другите делови ова може да биде прилично досадно и да го намалува позитивното корисничко искуство, а посебно за корисниците кои не сакаат да ги гледаат црвените точки, па притискаат на иконите само за да ги снема.

Engadget

Исклучувањето на точките ќе може да се направи посебно за секоја икона, односно за секој дел. Покрај со подолго притискање на иконата, точките за известувања ќе може да се вклучуваат и исклучуваат преку посебно додаденото мени.

Промените прво ќе станат достапни на Facebook апликацијата на iOS, по што набрзо треба да бидат пуштени и за Android.

ИЗВОРEngadget
Претходна статијаGoogle планира да ги означува бавните и брзите веб страни во Chrome
Следна статијаЕнергетски ефикасни станови: Заштита на околината, но и заштеда на вашиот буџет
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.