AV-TEST е независен германски институт којшто работи во областа на ИТ безбедноста. Тие се најмногу познати кај обичниот корисник по редовните тестирања кои ги прават на достапните безбедносни апликации за повеќето платформи.
Најновите резултати од институтот се од мај оваа година и се однесуваат на апликациите достапни на Android.
Како и обично, резултатите за Android се прикажани во две групи, за ниво на заштита и употребливост, каде што спаѓа достапноста на одредени додатни функции на апликацијата и нејзината оценка.
Од мајските резултати може да се види дека повеќето апликации кои се достапни на Android, односно повеќето познати, обезбедуваат одлично ниво на заштита, а само неколку од нив имаат нешто пониски оценки.
Тестирани се 20 апликации достапни за мобилната платформа од Google, а максимална оценка имаат добиено дури 11 апликации од тестираните. Овие апликации ги вклучуваат: AhnLab V3 Mobile Security 3.1, Anity AVL 2.5, Bitdefender Mobile Security 3.2, Cheetah Mobile CM Security 3.3, G Data Internet Security 26.0, Kaspersky Lab Internet Security 11.13, McAfee Mobile Security 4.9, Sophos Mobile Security 7.0, Norton Mobile Security 3.18, Tencent WeSecure 1.4 и Trend Micro Mobile Security 8.2.
Најнизок резултат според оценката за безбедност, односно заштита има NSHC Droid-X 3.0.
Од листата може да се заклучи дека сите од најпознатите имиња на пазарот за безбедносен софтвер, обезбедуваат највисоко ниво на заштита, па како корисници нема да згрешите доколку го изберете било кој од нив.
Целосната листа на Android апликации за безбедноста можете да ја погледнете преку следниот линк.
