Друштвената мрежа чиј сопственик е Елон Маск, X, најавија дека листата со „лајкови“ на објавите станува приватна, односно корисниците кои ја гледаат објавата веќе нема да може да видат кои корисници го имаат притиснато копчето „лајк“.
Целта на оваа промена е да се заштитат корисниците од можни „последици“ поради објавите кои им се допаѓаат, а X како мрежа која се смета како целосно отворена и без цензура, стана место каде се разговара на секакви теми.
Корисниците кои ја имаат направено објавата ќе продолжат да имаат пристап до листата на „лајкови“, па промената е само за јавноста, односно за корисниците кои ја гледааат објавата.
Промената веќе е пуштена, па може да се забележи дека притискањето на копчето со бројот на „лајкови“ веќе не работи, односно ништо не се случува со неговото притискање.
