Microsoft најави новина која за тестирање ќе стане достапна во месеците што следат, а останатите дури идната година, а е поврзана со побезбедната алтернатива на лозинките, „клучеви за пристап“, односно „passkeys“.
Големите ИТ компании веќе неколку години овозможуваат користење на овие клучеви кои можат да се користат без разлика на платформата, а се повеќе компании ги прифаќаат. Тоа значи дека Windows 11 веќе има поддршка за клучевите, но со новата надградба на Windows Hello, оваа можност ќе стане понапредна.
Microsoft ќе овозможи API алатка која програмерите ќе можат да ја користат за Windows Hello. Со тоа апликациите и сервисите кои овозможуваат креирање и чување на клучевите за пристап, ќе можат да се користат и преку Windows Hello на Windows 11.
Тоа значи дека корисниците ќе можат да ги користат своите клучеви за пристап од 1Password, Bitwarden и други директно преку Windows 11 за најавување на веб страните или апликациите.
Ова е доста корисна можност, а на корисниците ќе им овозможи користење на овие клучеви на било кој од нивните уреди, а посебно во комбинација со мобилните.
Како главна причина за оваа новина може да се гледа и популарноста на апликациите како 1Password и Bitwarden во споредба со Microsoft Authenticator, па добро е што Microsoft ја овозможува.
Дополнително од компанијата најавија и подобрен кориснички интерфејс на Windows Hello при креирање и користење на клучевите за пристап, како и синхронизирање на овие клучеви од страна на Microsoft.
