Koronavirus.gov.mk е нова специјализирана веб страна од владата на која граѓаните ќе можат да ги најдат сите потребни информации коишто може да им бидат потребни, а се поврзани со коронавирусот.
На оваа страна се достапни информации за SARS-Cov-2 вирусот и COVID-19 заболувањето кое го предизвикува, симптомите, како да се заштитите, сите контакт телефони кои ви се потребни, можност да пријавите прекршок и слично.
На страната исто така се достапни сите најнови вести поврзани со случувањата, како и видеата од сите најнови прес конференции на Министерот за здравство.
Тоа што е добро е што има и детална статистика со мапа и графикони за потврдените заболени со вирусот, поделени според градови, како и општини за Скопје.
Веб страната е достапна на овој линк, а истата овозможува да вклучите и известувања на прелистувачот со цел да останете навремено информирани со сите најнови информации и случувања.
Дополнително, покрај веб страната, достапни се и мобилни апликации за Android и iOS, а со нив би можеле уште посигурни да бидете дека ќе ги добиете сите известувања.