Со најновата верзија на оваа популарна апликација за разговори и повици, корисниците добиваат можност за играње на игри. Изборот ќе биде ограничен, односно од компанијата изјавуваат дека сакаат да понудат мала, но добро избрана листа на игри кои што корисниците ќе можат да ги играат со своите пријатели.
Во основа, оваа нова можност наречена Viber Games е додадена во апликацијата и истата сега вклучува три игри. Игрите се инсталираат посебно преку Play продавницата за апликации, а корисниците имаат можност да се поврзат со нивниот Viber ID и да играат со нивните пријатели, да го следат нивниот напредок и слично.
Игрите кои што се достапни се Viber Candy Mania, Viber Pop and Wild Luck Casino од кои што првите две ги вклучуваат некои од познатите стикер карактери кои што корисниците веќе подолго време имаат можност да ги користат.
На почеток, игрите ќе бидат достапни за Android и iOS платформите, но и во само 5 земји, односно во Белорусија, Малезија, Украина, Израел и Сингапур. Од почетокот на идната година достапноста е најавена за сите корисници на овие платформи.
Извор: TNW, TechCrunch
