Galaxy Watch FE е новиот паметен часовник кој споделува многу функции со врвниот и веќе докажан по квалитет Galaxy Watch 6, вклучувајќи следење на спиењето, следење на вежбањето, сензор за состав на телото и др. Можете да го имате во црна, розово-златна или сребрена боја и нови ремчиња со јасни сини и портокалови шевови, со веќе познатиот и препознатлив Galaxy кружен дизајн.
Со Super AMOLED екран и оценка IP68, Galaxy Watch FE нуди врвна издржливост и штити од гребаници при секојдневното носење. Неговата улога како ваш личен здравствен асистент се огледува во бројните функции кои ги поседува, како што се предупредувања за високи и ниски отчукувања на срцето, известувања за неправилен ритам, анализа на трчање и персонализирана зона на отчукувањата на срцето за време на вежбањето. Ќе можете да го следите својот напредок низ повеќе од 100 различни вежби од вашиот зглоб.
Доколку поинтензивно спортувате, напредната анализа на трчање ќе ви помогне не само да ги анализирате своите вкупни перформанси за максимална ефикасност, туку и да добивате увид и упатства за превенција од повреди, за да можат непречено да се движите кон своите цели.
Опремен со напреден Samsung BioActive сензор, Galaxy Watch FE обезбедува низа моќни функции за фитнес и велнес, кои обезбедуваат персонализирани и корисни совети за корисниците, 24 часа на ден. За да се поддржи подобар сон за добар почеток на секој ден, Galaxy Watch FE нуди различни напредни функции, од следење на обрасците на спиење, до совети како да спиете подобро, и да создадете средина погодна за мирен сон.
Беспрекорно поврзување со екосистемот Galaxy
Galaxy Watch FE овозможува беспрекорно поврзување со други уреди Samsung Galaxy. Со помош на апликацијата Find My Phone, можете брзо и лесно да го најдете вашиот телефон, дури и ако не е поврзан со часовникот. Дополнително, можете далечински да ја контролирате камерата на поврзаниот паметен телефон Samsung и да го промените режимот на работа, како што е аголот на камерата или зумирањето, директно од вашиот зглоб.
Совршен придружник за летните одмори
За сите кои сакаат активен летен одмор, Galaxy Watch FE е совршен придружник. Со елегантен дизајн и напредни функции, секогаш ќе бидете чекор понапред од останатите. Без разлика дали поминувате време на планински патеки, уживате во спортови на вода или едноставно истражувате нови градови, Galaxy Watch FE ќе ви помогне да го следите вашиот напредок и ќе ве мотивира да живеете здрав живот. Впрочем, како и секогаш, ултимативната цел на Samsung е насочена исклучиво кон корисниците, да го олесни нивното секојдневие, да поттикне поактивен живот, и во случајов да ја подигне нивната грижа за сопственото здравје на уште повисоко ниво.
Најновиот паметен часовник Galaxy Watch FE наскоро може да биде ваш. Веќе на почетокот на месец јули ќе се најде на продажните полици.
