Apple, поточно WebKit тимот, официјално ја најавија третата верзија од „бенчмарк“ алатката за интернет прелистувачите, Speedometer 3.0. Најновата верзија, како што беше најавено во 2022, е развиена во соработка со повеќе компании, а не само Apple и Google.
Speedometer 3.0 алатка е развиена во соработка со Apple, Google, Mozilla, Microsoft, Intel и уште неколку компании, а тоа значи дека истата е направена специјално за трите најголеми веб технологии, WebKit, Blink и Gecko.
Оваа верзија од Speedometer донесува и новини во начинот на мерење која е повеќе прилагодена за денешната состојба на интернетот, како што истакнуваат од Apple.
Техничките детали се добро објаснети во објавата од WebKit тимот, а истата е достапна тука.
WebKit тимот ја пушта првата верзија од Speedometer во 2014 година, а во 2018 се започнува со соработка со Google. Најновата верзија ја носи оваа соработка на наредното ниво со вклучувањето и на технологијата на Mozilla, третата технологија која се користи.
„Денешното издание на Speedometer 3.0 означува голем чекор напред во тестирањето на перформансите на веб-прелистувачот. Ја подобрува точноста на мерењето и ги мери перформансите на широк спектар на содржини.“ – истакнуваат од WebKit.
Тест алатката е достапна на страната на BrowserBench, односно на овој линк.