Скопје – 17 февруари 2023 – Samsung Electronics Co., Ltd. денеска објави дека по импресивните резултати во претпродажбата, водечките паметни телефони од серијата Galaxy S23 се достапни за клиентите во Македонија, како и низ целиот свет.
Серијата Galaxy S22 беше исклучително успешна минатата година, со повеќе од двојно поголем број на преднарачки во споредба со серијата Galaxy S21. Оваа година, нарачките беа уште поголеми, па повеќе од 60 проценти од корисниците побрзаа да го добијат новиот Galaxy S23 Ultra.
„Големиот одзив на кои сме сведоци, покажува дека корисниците сакаат производи кои ги поместуваат границите и им даваат слобода да ја изразат својата креативност“, рече Т.М. Рох, претседател и директор на одделот за мобилно искуство во Samsung. „Овогодинешните бројки за преднарачка ја одразуваат големата доверба што клиентите ја имаат во нашиот бренд и потврдуваат дека нашата посветеност на револуционерната иновација и одржливост и понатаму е одлично прифатена од клиентите“.
Предводени од Galaxy S23 Ultra, кој има нов адаптивен сензор за пиксели од 200 MP и познатото вградено S Pen, серијата Galaxy S23 – која ги вклучува Galaxy S23+ и Galaxy S23 – претставуваат нова ера на врвното искуство на мобилни телефони на Samsung. Серијата Galaxy S23 има исклучителни камери кои им даваат на корисниците слобода да ја истражуваат својата креативност, најбрзата мобилна графика во светот благодарение на мобилната платформа Snapdragon® 8 Gen 2 за Galaxy и атрактивниот дизајн што ја носи компанијата чекор понапред на полето на одржливоста, со повеќе компоненти направени од рециклирани материјали отколку во кој било друг паметен телефон Samsung Galaxy.
Серијата Samsung Galaxy S23, исто така, обезбедува повисоко ниво на мобилна безбедност со Samsung Message Protection. Оваа моќна sandboxing алатка проактивно заштитува од напади на пораки без да ги отвора. Станува збор за нов тип на сајбер напад каде што самото примање на слика може да го загрози уредот – дури и без реакција на корисникот. Samsung Message Protection делува како виртуелен карантин и регистрира штетни слики за да добивате само безбедни. За повеќе информации за Samsung Message Protection, посетете Samsung Message Guard Protects You From New and Invisible Threats – Samsung Global Newsroom
Почнувајќи од 17 февруари 2023 година, Galaxy S23 Ultra, Galaxy S23+ и Galaxy S23 ќе бидат достапни од операторите и трговците на мало, како и на Samsung.com. Серијата Galaxy S23 доаѓа во четири нијанси инспирирани од природата: фантомско црна, крем, зелена и лаванда .
Galaxy S23 Ultra ќе се продава во Македонија по препорачана малопродажна цена од 83.999 ден, Galaxy S23 + по препорачана малопродажна цена од 71.999 ден и Galaxy S23 по 56.999 ден.
S23 Ultra – https://www.samsung.com/mk/smartphones/galaxy-s23-ultra/
S23 и S23+ – https://www.samsung.com/mk/smartphones/galaxy-s23/
Samsung лансира и визуелно интересна 3D билборд кампања за да го одбележи лансирањето на серијата Galaxy S23. Кампањата го истакнува дизајнот на серијата Galaxy S23, која е инспирирана од нашата планета. Започнува во Сеул, а во наредните недели ќе започне и во другите поголеми градови низ светот.
