После најавите при крајот на минатиот месец, сега и официјално се откажува договорот за купување на ARM од страна на Nvidia. Главната причина е проблемите со регулаторни тела од повеќе земји, а тука се и жалбите од конкурентите на Nvidia.
Со откажувањето на договорот, сопственикот на ARM, SoftBank, ќе ги задржи веќе платените 1,25 милијарди долари соогласно на условите во договорот.
Од компанијата планираат да се вратат на вториот план, односно акциите на ARM ќе бидат јавно понудени за продажба, па на тој начин ќе се дојде до саканите средства, како и промена на сопственичката структура на компанијата.
Директорот на ARM по оваа одлука ја напушти својата позиција, па на неговото место дојде Рене Хаас.
„Nvidia и SoftBank Corp. денеска го најавија раскинувањето на претходно најавената трансакција каде Nvidia би ја купила ARM од SoftBank. Страните се сложија да го раскинат договорот поради големи регулаторни предизвици кои го спречија случувањето на трансакцијата и покрај добронамерните напорите на страните. ARM сега ќе започне со подготовки за јавна понуда.“ – истакнаа компаниите во соопштението за откажување на договорот.
