Откако не се остварија предвидувањата за претставување на нови iMac компјутери за оваа година на WWDC, сега може да се каже дека предвидувањата се нешто пореални.
Сега, Марк Гурман најавува дека нови верзии од iMac се тестираат, но може да се очекуваат дури идната година, барем овие за кои тој говори. Се работи за 32 инчни iMac компјутери кои ќе работат на M3 чипот кој ќе биде направен на 3nm процес од TSMC поради што се очекуваат добри подобрувања на перформансите и ефикасноста.
Моментално корисниците можат да го купат само 24 инчниот iMac со М1 чипот од 2021 година. Уредот може да се каже дека и во 2023 е одличен за голем дел од корисниците, но 24 инчен екран сепак е мал.
27 инчната верзија Apple никогаш не ја надгради од Intel чиповите, па остана да се чека на нешто како најавата од Гурман.
Покрај тоа што се очекува iMac да добијат 32 инчен екран, може да се очекува дека и изборот на чипови ќе се зголеми, односно не треба да изненади доколку биде достапен избор со Pro верзиите од М3.
