Unpacked настанот на којшто Samsung ќе го претстави Galaxy Note 9 ќе се одржи идниот четврток, 9 август, во Њујорк со почеток од 17 часот по македонско време. Веќе можевме да ги видиме повеќето карактеристики на овој уред, па претставувањето ќе биде само една формалност и интересен настан за тие што сакаат да ги гледаат.
Од Samsung преку три промо или можеби подобро „тизер“ видеа, потврдуваат три карактеристики кои ќе ги има Galaxy Note 9. Тие ги истакнуваат батеријата на уредот, просторот за податоци, како и неговите перформанси.
Се разбира, во видеата не се истакнати конкретните карактеристики кои ќе бидат објавени на настанот, но се насочува вниманието кон нив.
Според информациите кои ги имаме досега, Galaxy Note 9 ќе дојде со голема батерија со капацитет од 4.000 mAh. Оваа батерија ќе овозможи овој уред да издржи можеби и втор ден или барем некое полнење помалку во текот на денот за најактивните корисници.
Просторот за податоци се очекува да вклучува 512 GB, како и можност за картичка до 1 TB. RAM меморијата се најавува да биде до 8 GB.
