Виртуелната реалност го нема импактот како што на времето го имаше паметниот телефон, но причината веројатно не е што не им се допаѓа на купувачите, туку високата цена и недостапноста на игри и апликации. Google, заедно со стартапот Improbable, ќе градат целосен виртуелен свет кој ќе биде базиран на “Cloud” платформата на пребарувачкиот гигант.

Improbable е инаку британски стартап, почнат од двајца дипломирани од Универзитетот во Кембриџ. Тие имаат изработено софтвер, наречен Spatial OS, кој може многу лесно да изработи огромни виртуелни симулации на најразлични проекти, како на пример виртуелни игри и најразлични виртуелни апликации.

На пример, Spatial OS може да се искористи како инфраструктура, на која ќе се креираат комплексните виртуелни опкружувања, како на пример цел виртуелен град. Овој сервис е уште сега достапен на дивелопери кои прават игри во Google Cloud Platform и тие уште сега можат да почнат да креираат игри благодарение на Game Developer Open Alpha програмата. Финалната верзија сепак се очекува за почетокот на наредната година.

Со овој софтвер, работите во виртуелниот сектор дополнително ќе се забрзаат. Креирањето на виртуелен свет досега беше извонредно тешко, особено за големи пространства, како на пример цел град. Исто така, овој софтвер би можел да се искористи за многу полесно тренирање на вештачката интелигенција – замислите колку е полесно да се тестира автономен автомобил во виртуелната реалност, отколку во вистинската.

Извор: Wired, Venture Beat, Tech Crunch

Претходна статијаИнтервју со Ајлин Шеали – извршен менаџер на Пазар3
Следна статијаГенетски напредните мајмуни се враќаат во War for the Planet of the Apes