Замислете дека се допишувате во групен чет со луѓе од неколку различни земји и некој од нив не знае добро англиски јазик. Сега, замислете дека самиот чет клиент ќе може да ги преведува сите разговори на јазикот на кој вие сакате, се додека тој е еден од листата на 60 поддржани јазици.

Microsoft вложува огромни напори за нивната Translator платформа да биде достапна за сите корисници и широко прифатена. Затоа, тие лансираат сервис на кој ќе може да направите групен чет со максимум 100 корисници. Потоа, сервисот автоматски ги преведува сите разговори од поддржаните јазици.

Во моментов, македонскиот јазик не е поддржан, но поддржани се неколку други блиски јазици на нашиот (како на пример српски), а сервисот поддржува и клингонски јазик, што е особено корисно за „трекерите“ кои на овој чет програм би можеле без проблем да направат една цела конвенција.

Технологијата која стои зад Microsoft Translator е веќе вградена и во Skype Translator и истата е веќе некое време достапна за корисниците на Skype Preview верзијата за Windows 10 и Windows 10 Mobile.

Новиот сервис сепак можат да го пробаат корисниците на сите платформи, бидејќи Microsoft Translator е достапен за iOS, Android, Windows Phone и дури и Amazon еко системот. Се што треба да направите е да ја симнете Microsoft Translator апликацијата од пазарот за апликации.

Извор: The Next Web, CNET, Microsoft

Претходна статијаGalaxy S8 Plus ќе има 6 инчен дисплеј и 8GB рам, најавува целосно прекинување на Note линијата?
Следна статијаКритична маса #56: Во 2017-та со повеќе точаци