Иако кај нас не толку присутни, на западните пазари сервисите на Amazon се исклучително популарни, а тука пред се мислам на Alexa дигиталниот асистент и Amazon Primer сервисот за гледање филмови и серии, слушање музика и читање книги. Сега гигантот додава нов сервис, кој овозможува видео конференции и кој ќе влезе во клинч со Skype на Microsoft.

Сервисот ќе се вика Chime и ќе има неколку карактеристики кои ќе го разликуваат од конкуренцијата. На пример, во него ќе има вграден визуелен систем кој ќе покажува кога некој касни на митингот и кога се приклучува или пак кој не може воопшто да стигне да присуствува. Chime може и да покаже од кој корисник има многу „бучава и шум“ за останатите корисници да можат да го стават на “mute” додека разговараат.

Бидејќи Chime е целосно насочен кон видео конференции, тој има и вградени нотификации кои ќе го потсетуваат корисникот дека наскоро следува видео состанок, а ќе има и можност за споделување на дисплејот, исто како што може да се направи во Skype, со таа разлика што Chime ќе функционира и со Windows компјутери и со Android преносен уред. Секако, во Chime има и посебен текстуален чет.

Chime е бесплатен сервис, но само во Basic Edition. Со неа, корисниците ќе можат да имаат аудио и видео повици, да учествуваат во видео конференции и да го користат и вградениот чет. За оние кои сакаат да менаџираат повеќе корисници на сервисот, тука е Plus Edition кој чини 2,5 долари месечно, додека Pro Edition ќе чини 15 долари и ќе овозможи видео конференции со максимум 100 корисници и можност за закажување на митинзи. Само најмоќниот пакет ќе ја има опцијата за споделување на дисплејот.

Amazon Chime можете да го испробате уште сега на следниов линк.

Извор: Android Authority, The Verge, Amazon

Претходна статијаНов Nokia 3310 ќе биде претставен на MWC во Барселона
Следна статијаTesla може да достигне вредност од 1 трилион долари до крајот на наредната декада