Иако скоро и да нема нов смартфон со Windows 10 Mobile и Microsoft не го спомнува во своите планови за иднината, оперативниот систем и натаму добива редовни надградби и според нови информации, ќе добие и освежување со новиот Fluent Design System, а како дел од освежувањето на сите Windows 10 изведби.
Освежувањето на елементите на самиот оперативен систем се уште не е сигурно, но универзалните Windows 10 апликации сигурно ќе имаат модерен дизајн, бидејќи се дел од еден ист код. Ова особено важи за вградените апликации на Microsoft, како Calendar, Outlook, Weather, Calculator, Groove итн, но и за сите останати дивелопери кои ќе ги редизајнираат апликациите.
#ProjectNeon looks nice on Windows 10 Mobile too pic.twitter.com/A9OxzM6ycs
— Michael G://ett (@MichaelGillett) May 7, 2017
Ова значи дека корисниците треба промените пред се да ги видат во самите апликации, нешто што веќе се случува за Insider корисниците. Нормално, тука дизајнот нема да биде проѕирен – тоа би значело дека треба почетниот екран да се гледа позади апликациите, што на смартфон и не е така добро решение. Сепак, транспарентност ќе има, но само со елементи во самите апликации.
Новиот дизајнерски јазик веројатно нема да биде спас за Windows 10 Mobile. Според она што го видовме на Build 2017, Microsoft е спремен за иднина во која на смартфоните ќе постојат само iOS и Android, а нивната мобилна дивизија веројатно ќе се пренамени во нов тип на уреди со различни можности од оние кои ги имаме на нашите смартфони.
Извор: Windows Central, onMSFT
