Сите кои го читате текстов и кои имате Windows 10 Mobile смартфони, еве ја потврдата која за жал можеби и потајно ја очеквуавте – Microsoft се откажува од мобилниот оперативен систем и во наредниве неколку години ќе пушта само безбедносни надградби за актуелните корисници, но не и нови функционалности.
Исто така, развојот на нови модели е застанат и не очекувајте дека ќе можете да го замените Вашиот Windows 10 Mobile смартфон со нов во скоро време. Всушност, не очекувајте дека ќе има Windows телефон веќе никогаш. Ова за многумина беше јасно минативе две години, но сега го потврди и еден од најголемите гласноговорници на платформата, Џое Белфиоре, бивш предводник на Windows Phone дивизијата во Microsoft, кој и покрај големите напори, не успеа да ја направи конкурентна на Android и iOS.
We have tried VERY HARD to incent app devs. Paid money.. wrote apps 4 them.. but volume of users is too low for most companies to invest. ☹️ https://t.co/ePsySxR3LB
— Joe Belfiore (@joebelfiore) October 8, 2017
Тој ова го потврди на Twitter преку серија на твитови, каде објави дека направиле големи напори за да ја направат платформата успешна – дури и им плаќале на дивелоперите за да развиваат апликации, но дека таа имала премногу малку корисници за да биде интересна. Тој само продолжи дека актуелните корисници ќе бидат заштитени со безбедносни надградби и закрпи во догледно време, но нагласи дека веќе и тој се има префрлено на Android, каде Microsoft веќе има цела плејада на апликации.
Според сето ова, Windows 10 Mobile е дефинитивно конечно мртва платформа. Сите кои имате ваков телефон е пожелно да се префрлите на iOS и Android, а за полесно префрлање, тука се апликациите Outlook, Microsoft Office, Microsoft Edge, Microsoft Launcher за Android итн.
Of course we’ll continue to support the platform.. bug fixes, security updates, etc. But building new features/hw aren’t the focus. ? https://t.co/0CH9TZdIFu
— Joe Belfiore (@joebelfiore) October 8, 2017
Извор: The Verge, Engadget, Windows Central
