Еве како сѐ уште можете бесплатно да надградите на Windows 10

Напишано на 30.12.2016 - 11:56 од Иво Гиевски

Microsoft пред веќе година и половина, го лансираше својот веројатно најпопуларен оперативен систем досега. Голема заслуга за неговата популарност имаше и промоцијата за бесплатна надградба за сите корисници на Windows 7 и Windows 8.1, но таа важеше само една година. Сепак, за оние кои не го направија тоа во првата и веројатно досега се премислија, благодарение на големиот број новитети и подобрувања од лансирањето на Windows 10, сѐ уште можат да го направат тоа.

Не мора да активирате за да користите Windows 10
Прво, за да го пробате Windows 10 и дури и да работите на него, не мора воопшто да го активирате. Да, редовно ќе ви стигнуваат нотификации за активација (на секое вклучување на компјутерот), но ако тоа не ви пречи и неактивираната верзија на Windows 10 ќе функционира нормално, освен делот за персонализација (менување бои, позадини и сл.) и еден Watermark на десктоп позадината.

Активација со помош на “Assistive Technologies”
Microsoft ја продолжи понудата за бесплатна надградба за сите лица со потреба за помош при користењето на компјутерот, како на пример слепите лица, поточно оние кои користат Windows со “Assistive Technologies”. И покрај тоа, оваа надградба може да ја направи апсолутно секој и притоа нема да направи промени во Windows 10 со цел тој да можат да го користат полесно тие лица, како на пример да прикажува црно-бела слика или пак да диктира се што има на дисплејот. Ќе биде класичен, нормален Windows.

Microsoft сѐ уште нема најавено дека ќе ја изгаси оваа понуда, но оние кои и натаму се мислат, препорачувам да побрзаат, бидејќи и таа веројатно нема да трае засекогаш. Се што треба е да кликнете на овој линк, каде ќе симнете софтвер кој автоматски ќе ја направи надградбата. Секако, за ова ќе мора да имате Windows 7 или Windows 8.1.

Користење на стари клучеви од Windows 7 и 8.1
Купивте нов компјутер или лаптоп кој има Windows 7 или 8.1, а сакате Windows 10. Запишете го клучот од оперативниот систем кој го имате (обично е зад батеријата кај лаптопите) и кога ќе почнете со инсталација, впишете го. Windows 10 ќе се инсталира без никаков проблем и ќе остане активиран, секако инсталирајќи ја верзијата за која сте имале клуч претходно (Home или Professional). Ова лично веќе го имам направено со неколку машини без ниту еден проблем, но и тоа би можело да биде прекинато од Microsoft. Клучеви за Windows 7 и 8.1 можат лесно да се најдат и онлајн, поевтино од оние за Windows 10.

Нелегални активатори
Кај нас многу корисници ги активираат своите Windows машини со активатори симнати од торент, што е нелегално и лично не го препорачувам. Исто така, Windows 10 обично не прави проблем при надградба од нелегално активирани Windows 7 и 8.1, но редовните надградби знаат да го деактивираат вашиот систем. Сепак, доколку сте сигурни во тоа што го правите и ова е еден вид на решение за да имате „активиран“ Windows 10.

Зошто Microsoft и натаму дозволува бесплатна надградба?
Microsoft сака да има што повеќе корисници на Windows 10, но во исто време сака да заработи од лиценци за него. Затоа, тие ја прекинаа официјалната надградба, со цел поголемиот дел од корисниците да купат нова лиценца за Windows 10, но од друга страна им дозволија на „радозналите“ да го користат нивниот оперативен систем бесплатно и со тоа да имаат поголем број на корисници на нивниот еко систем.

Извор: Tech Spot, GHacks, MS Power User

За Авторот

Пасиониран возач на спортски автомобили и длабоко навлезен во светот на автомобилизмот. Редовно ги следи последните случувања во квантната и астрофизиката, а е заљубен во универзумот. Не може да одолее на секое подобро парче хардвер што ќе излезе на пазарот и тогаш обично е залепен за мониторот, читајќи ги сите спецификации и новитети.

  • Aleksandar

    awe ti ubavo sho ne preporachuvash torenti.. ama jas pa da si kazham skoro 10 godini koristam takvi aktivatori i si nemam problem.. i oti ne go preporachuvash ? Demek kaj nas standardot za zhivot e kako vo Amerika so 2000 dolari plata.. so 200 evra plata ne planiram da dadam jas nad 7,000 denari za eden windows.. i sho deka demek ke me otkrijat i ke go deaktiviraat windowsot oni ? se ima deseno 100 pati do sea.. pak ke si simnam aktivator i se taka do bez kraj..

    • Delta 5

      Ти немаш проблем ама таквите торент-активатори отвораат тајна врата во Windows Firewall-от за влез на хакери,тоа да си го знаеш

      • Aleksandar

        ehe awe sho da ti raspravam.. do sea edno 1000 hakeri bea vlezele vo pc-to.. mi hakiraa se zhivo i divo.. kakvi upadi kakvi bakrachi… i da vlezi sho ke napravi.. ke mi hakira fb akaunt ? bujrum :)
        i ne simnuvam jas windowsi od treti strani ne ispitani.. nego od eden sajt kaj sho sum chlen 9 godini veke.. i e 100% siguren..

        • dtudfhdf

          loso e ako pocne za piraterijata vo zatvor da se ode. inace drugoto ic ne e problem. bas kako sto kaza. celo vreme ke go reaktivirame windows-ot, a hakerite slobodno neka vlezat i neka hakiraat filmovi, igri i ostanati gluposti. sekako ako nemaat popametna rabota :D

          • Aleksandar

            haha ma daleko sme nie od tie zakoni, i za niv ima lek, drugarche imam vo amerika pojde tamo se zabraneti demek… so proxy i toa se sreduva ehe.. Ami realno, ajde jas so plata 200 max 250 evra prekovremena rabota.. ke mu dadam na microsoft nad 7000 denari za windows ? ma kako da ne.. neka sonuva bil gejts :)