YouTube има поддршка за пренос во живо веќе подолг период, меѓутоа за истото се потребни, да речеме одредени ресурси, што ја прави активноста не толку едноставна за обичните корисници.
Со големата популарност на апликациите како Periscope од Twitter, а иста можност нуди и Facebook, чудно беше зошто YouTube не овозможи едноставна можност за пренос во живо преку нивната апликација.
Конечно оваа ситуација ќе се промени, па корисниците ќе можат да започнат пренос во живо на YouTube директно од мобилната апликација на сервисот, односно YouTube за Android и iOS.
Започнување на пренос во живо ќе се прави едноставно со притискање на едно копче за таа намена, избор на слика, како и параметри како дали видеото да биде јавно, дали може да има коментари и дали да бидат известени корисниците.
За почеток оваа можност ќе биде достапна на одредени објавувачи на содржина, но од Google најавуваат дека можноста ќе биде широко достапна наскоро.
Извор: YouTube Creator, TNW