Најавено како можност која наскоро треба да биде достапна, Netflix со денешната надградба на нивната мобилна апликација им овозможи на корисниците да ја симнат содржината која сакаат да ја гледаат, за подоцна да ја гледаат без потреба од интернет конекција.
Можноста е достапна за сите корисници на мобилната апликација на Android и iOS, а бројот на наслови кои ќе може да се симнат со тек на време ќе се зголемува, односно моментално е ограничен на содржината продуцирана од Netflix, како и уште некои други избрани наслови.
Симнувањето на содржината се прави едноставно преку притискање на новото копче, во форма на стрелка надолу, кое е додадено до инфо делот за секој филм или епизода од сериите, односно до секоја епизода во листата на епизоди.
Во менито за прилагодувања може да се избере дали содржината може да се симнува само преку Wi-Fi, како и просторот којшто таа го зафаќа на уредот. Од тоа што можевме да прочитаме во најавата за новата функција, треба да биде достапен и избор на квалитетот на симнатата содржина, меѓутоа кај нас го нема тоа.
По симнување на саканата содржина, истата може да се гледа без потреба од интернет конекција. Ова е одлична можност за корисниците кои сакаат да гледаат некој филм или серија додека патуваат со авион, на пример или кога се некаде каде интернет конекцијата не е доволно брза и стабилна, а и лимитот е ограничен.
За да ја добиете оваа најнова функција, се што треба да направите е да ја ажурирате апликацијата на вашиот уред преку продавниците за апликации на соодветната платформа.
Airplane mode. Road trip mode. Stuck-in-the-subway-for-20-minutes mode. Your favorite stories are now available for download any time. pic.twitter.com/g7QZA3TyE8
— Netflix US (@netflix) November 30, 2016
Извор: Netflix