solitaire-1200x1043

Игрите кои се буквално составен дел од компјутерот на секоја бирократска канцеларија, отсега вработените ќе можат да ги играат и на своите паметни телефони. Solitaire денес можеби не одѕвонува толку силно во ушите на помладата популација, но овие игри верувам дека ќе бидат вистински хит кај повозрасните корисници.

Новата апликација која Microsoft ќе ја лансира на двете водечки мобилни платформи Android и iOS се вика Microsoft Solitaire Collection (веќе подолго време е достапна за Windows 10 Mobile). Апликацијата содржи пет “solitaire” игри, односно Klondike, Spider, FreeCell, Pyramid и Tripeaks. Со оглед на тоа колку време порано се трошеше само на играње FreeCell, сигурен сум дека со оваа апликација ќе имате долги часови забава.

Играта ќе има и Xbox Live интеграција, што значи дека ќе можете лесно да ги синхронизирате вашите резултати на сите различни платформи на кои е достапна, поточно на Windows 10, Windows 10 Mobile, iPhone, iPad или Android. Благодарение на оваа можност, се што имате зачувано на еден уред, ќе се префрли и на другиот, како поени, зачувани игри и сл.

Microsoft Solitaire Collection е веќе достапна за симнување и на двете платформи. За iPhone и iPad кликнете тука, додека за Android кликнете тука. Оние пак кои имаат Windows 10 Mobile телефон или пак Windows 10 компјутер, веќе од поодамна можат да ја симнат играта на овој линк.

Извор: BGR, Techno Buffalo, Forbes

Претходна статијаТрамп најави намалување на даноците доколку Apple произведува во САД
Следна статијаЕЕСТЕК Академија – трет модул „3D Printing”