Виртуелните асистенти во нашите паметни уреди стануваат се проприсутни кај корисниците, особено кај оние во земјите каде е поддржат јазикот. Сепак, поголемо ограничување е веројатно достапноста. Само еден од асистентите е достапен за сите поголеми оперативни системи – тоа е Cortana од Microsoft.
Зошто е важно да се има асистент кој е достапен на повеќе оперативни системи? Зошто на овој начин состанокот кој ќе го закажете преку вашиот асистент на Windows компјутерот, ќе го имате и на вашиот iPhone или пак Android телефон. Cortana е моментално единствена која го може тоа – Google Now и Siri не се достапни за Windows компјутерите, додека Alexa на Amazon воопшто не е достапна кај нас.
Microsoft е прилично ажурен и со надградби за Cortana. Сега тие ја освежуваат Android верзијата, која добива поедноставен и посвеж изглед, кој сега во големо ја користи виолетовата боја. Апликацијата има и посебен Quick Actions дел каде може брзо да се стигне до најбараните функционалности. Надградбата за iOS пак треба да пристигне во наредните недели и ќе изгледа исто како таа од Android.
Cortana наредната година ќе добие уште една нова можност – Home Hub ќе биде нова функционалност, со која асистентот на Microsoft ќе може да се користи за управување на паметните уреди во домот. Исто така, Cortana со Home Hub ќе може постојано да слуша и да дава одговори дури и ако компјутерот „спие“.
Извор: Engadget, PC World, Digital Trends
