Постојат безброј причини зошто би ви користел Android емулатор. Можеби сакате да го тестирате овој оперативен систем ако сте корисник на iOS или Windows Phone или пак не сте сигурни дали да ја инсталирате новата верзија на Android на вашиот мобилен уред па сакате да ја испробате. Дури и едноставно да сакате да играте некоја игра на поголем екран, сега Andy може да ви го понуди сето тоа.
Andy ја сруши бариерата меѓу десктоп и мобилните компјутери и при тоа го одржува корисникот во тек со најновите надградби на Android оперативниот систем. Верзијата која моментално ја користи е Android 4.2 Jelly Bean. Овој емулатор ќе ви овозможи неограничен капацитет за складирање, PC и МАC компатибилност и слобода да ги играте најпопуларните мобилни игри на вашиот десктоп компјутер.
Емулаторот е всушност VirtualBox кој работи на android-x86 со додатен графички кориснички интерфејс (GUI). Причините поради кои тој се истакнува се:
- Одлична OpenGL поддршка за потпора на вашиот хардвер;
- Сите сензори се поврзани со контролер; и
- ARM апликациите одлично функционираат на x86,
Исто така една од причините поради која се издвојува е едноставното инсталирање и конфигурирање без да бара напредни познавања од корисникот.
Минималните системски барања се АMD или Intel Dual-Core CPU што поддржува виртуелизација, Windows 7/8.x x86 или x64, RAM од 3GB и 20GB слободна меморија.
Како да го инсталирате и користите Andy?
Најпрво треба да го преземете Andy, што можеби ќе потрае имајќи во предвид дека апликацијата е голема 344Мb, а потоа следете ги чекорите.
- Преземете го Andy oд нивната официјална страна http://www.andyroid.net/;
- Инсталирајте го Andy;
- Регистрирајте се на Andy користејќи го вашиот Google профил;
- Регистрирајте се на 1ClickSync сервисот користејќи ја вашата Google најава за да дозволите синхронизација меѓу вашиот компјутер и Google Android смартфонот; и
- Преземете го и инсталирајте го Аndy Remote Control APK фајлот (https://www.dropbox.com/s/72yf3lw6f0cprwq/android.apk.) на вашиот смартфон за да можете да го контролирате емулаторот со вашиот телефон.
Последниот чекор е особено значаен за игри или апликации кои имаат потреба од акцелерометар или екран на допир за да можат да функционираат. Апликацијата сеуште не е достапна во Google Play Store, но можете да ја преземете од Dropbox.
Ова не е првиот Android емулатор кој се појави на пазарот, а до сега најдоброто решение беше BlueStack. Главната предност на Andy во однос на BlueStack e што тој ви дава пристап до сите Google Play апликации, а со тоа и целосно Android искуство.
Подолу може да погледнете споредба на некои од најкористените алатки за емулација на Android.
