Ќе се согласите дека живееме во време кога веќе сé е можно со помош на 3Д печатач – органи, крајници и безброј други помагала кои им овозможуваат полесен и поудобен живот на оние на кои им се најпотребни.
26-годишната Angel Guiffria од Луизијана има вродена ампутација – родена е без долниот дел од левата рака. Таа носи протези од мали нозе – на почетокот само од козметички причини. Денес таа е сопственик на една од најнапредните механички протези на пазарот, bebionic3. Нормално е првата помисла да ви биде дека таа водела битки со животот од рана возраст, но тоа не е случајот со Angel. Прогласувајќи се самата себеси за „киборг“, таа полека, но сигурно си го пробива патот до Холивуд. Таа веќе играла улоги во The Hunger Games: Mockingjay – Part 1 и неодамна во The Accountant со Ben Affleck.
https://vine.co/v/O0HuQvj3a69
Нејзината механичка протеза ѝ овозможува многу повеќе од удобен живот: таа може да користи сé од прибор за јадење, преку фигаро до лак и стрела. Успеала да го вади максимумот од нејзината состојба за Halloween, со тоа што се маскирала како Imperator Furiosa од Mad Max: Fury Road. Мора да признаете дека одлично ѝ прилега!
https://vine.co/v/e3XnYOjzrwX
Angel имала чест да биде дел од серијалот White Rabbit Project, дело на Kari Byron, Tory Belleci и Grant Imahara, помошниците на славните Mythbusters, каде што тимот ги истражува најголемите достигнувања на човештвото, од супериорни технологии до луди оружја од Втората Светска Војна.
Можете да дознаете повеќе за оваа фантастична млада жена и нејзините подвизи преку линковите во овој текст, а нејзиното појавување во White Rabbit Project можете да го погледнете на следното видео:
