Оскари, наградите на Американската Филмска Академија за најдобри филмски остварувања ќе бидат наскоро. Оскарите секогаш се одржуваат во февруари, поточно оваа година ќе бидат на 26-ти февруари во Долби Театарот во Лос Анџелес. Како и секоја година, луѓето ќе коментираат за црвениот тепих, за гламурот, фустаните, монолозите на комичарите и за тоа кои се добитници на награди, а кои се филмовите кои ни ги освоија срцата.

Но, малкумина обрнуваат внимание, на според мене најбитната категорија – Најдобри Визуелни Ефекти. Низ годините, многу нешта се сменија во филмската индустрија и во технологијата на правење на филмови, а најмногу во делот на визуелни (специјални) ефекти. Инаку технички, категоријата за Најдобри Визуелни Ефекти постои од 1963-та година. Претходно, имаше категорија за Најдобри Специјални Ефекти, категорија која беше поделена од тимовите за визуелни и звучни ефекти. Но, доколку се навратиме во историјата на Оскарите, визуелните ефекти како битен дел од правењето на филмовите, беа препознаени во 1927-та година, кога филмот Wings доби награда за “Инжинерски Ефекти”.

Низ историјата, имаше неколку филмови кои беа препознаени како сигурни победници во оваа категорија. Филмовите 2001: A Space OdysseyStar Wars и Jurassic Park поставија нова граница и нов стандард кога се во прашање визуелните ефекти. Според мене, најзаслужен Оскар за визуелни ефекти е оној што го добија филмовите Lord of the Rings. Филмовите можам да ги гледам по милион пати и да не ми здосадат. Но, исто така имаше и неколку победници кои се во знак прашање. Се сеќавате на Innerspace? Јас го гледав пред некое време и можам да кажам дека за тој период, филмот има одлични визуелни ефекти и е многу забавен за гледање.

Може да се каже дека, исто така, изненадување е E.T. да земе награда за најдобри визуелни ефекти кога е во категорија со Blade Runner. Филмот E.T. ми е еден од омилените филмови и Стивен Спилберг направи извонредна работа. Но, Blade Runner на Ридли Скот е далеку подобар од E.T. кога се во прашање визуелните ефекти.

За околу две недели, Deepwater Horizon, Doctor Strange, The Jungle Book, Kubo and the Two Strings и Rogue One: A Star Wars Story, ќе бидат номинирани на Оскарите, па ќе видиме кој ќе биде победник.

Мое мислење е дека неколку филмови требаше да бидат додадени во категоријата, како на пример Deadpool, Passengers, Captain America: Civil War, Fantastic Beasts and Where to Find Them и X-Men: Apocalypse. Сепак, од номинираните, мој фаворит е Doctor Strange.

Погледнете го видеото со сите победници на Оскарите досега:

Претходна статијаWindows Neon дизајнот ќе донесе и освежен таскбар со еднобојни икони
Следна статијаGmail наскоро нема да ги има сите функционалности на Windows XP и Vista